ԱՄՆ նախագահ Դոնալդ Թրամփը հայտարարել է, որ պատրաստ է հանդիպել ՌԴ նախագահ Վլադիմիր Պուտինի հետ, եթե վստահ լինի, որ խաղաղության համաձայնագիրը իսկապես հնարավոր է։
Անդրադառնալով իր կատարած դիվանագիտական ջանքերին՝ Թրամփը հիշեցրել է Ադրբեջանի և Հայաստանի միջև խաղաղության գործընթացը՝ ընդգծելով, որ ինքն է հասել այն առաջընթացին, որը անհաջող փորձել էին աշխարհի այլ առաջնորդները։
«Դա շատ դժվար էր։ Պուտինը հեռախոսով ինձ ասաց. «Դա հիանալի էր, քանի որ բոլորը փորձեցին դա անել, և չկարողացան։ Եվ դուք դա արեցիք»», – նշել է Թրամփը։
Ըստ նրա՝ Հարավային Կովկասի օրինակը ցույց է տալիս, որ նույնիսկ ամենաերկարատև հակամարտությունները կարող են լուծվել կողմերի քաղաքական կամքով։
«Ես կարծում էի, որ Ադրբեջանի և Հայաստանի միջև խաղաղությունն ավելի դժվար կլինի, քան Ռուսաստանի և Ուկրաինայի միջև։ Բայց պարզվեց հակառակը», – հավելել է նա։
