Ռուսաստանի Պետդումայի պաշտպանության կոմիտեի անդամ Անդրեյ Կոլեսնիկը հայտարարել է, որ Ռուսաստանը աշխատում է նոր տեսակի զենքի ստեղծման վրա, որը կլինի «ավելի սարսափելի և հզոր», քան արդեն փորձարկված «Բուրևեստնիկ» հրթիռը։
Կոլեսնիկի խոսքով՝ Ռուսաստանը, հավանաբար, արդեն մշակել է մի համակարգ, որը «Բուրևեստնիկ»-ից էլ ավելի անխոցելի և անտեսանելի է թշնամու համար։ «Հակառակորդները հրթիռը կտեսնեն միայն այն ժամանակ, երբ այն արդեն ավերիչ հարված կհասցնի»,-նշել է խորհրդարանականը՝ հավելելով, որ Ռուսաստանը մի քանի տարով առաջ է «բոլոր գոյություն ունեցող երկրների սպառազինությունից»։
Հոկտեմբերի 26-ին Ռուսաստանի նախագահ Վլադիմիր Պուտինը ստացել է Գլխավոր շտաբի պետ Վալերի Գերասիմովի զեկույցը, որը վերաբերում էր «Բուրևեստնիկ» թևավոր հրթիռի հաջող փորձարկմանը։ Այս հրթիռը տարբերվում է անսահմանափակ թռիչքային հեռահարությամբ և միջուկային շարժիչային համակարգով, ինչը նրան հնարավորություն է տալիս շրջանցել գործող հակաօդային պաշտպանության համակարգերը։
Գերասիմովի տվյալներով՝ փորձարկման ընթացքում հրթիռը անցել է շուրջ 14 հազար կիլոմետր և մնացել է օդում 15 ժամ, հաջողությամբ ցուցադրելով իր տեխնիկական առավելությունները։ Վլադիմիր Պուտինը հրահանգել է սկսել «Բուրևեստնիկ»-ի համակարգի ինտեգրման նախապատրաստական աշխատանքները Ռուսաստանի զինված ուժերի կազմում։
Ավելի վաղ Ռուսաստանի Դաշնության խորհրդում մեկնաբանել էին, թե ինչպես պետք է Արևմուտքը արձագանքի «Բուրևեստնիկ»-ի գործարկմանը՝ նշելով, որ այս ծրագիրը վկայում է Ռուսաստանի պաշտպանական ներուժի բարձրացման մասին։
