Արցախի ԱԺ նախկին պատգամավոր, քաղաքական վերլուծաբան Վահրամ Աթանեսյանը «Ֆեյսբուքի» իր էջում գրել է.
Պատերազմի, պարտության, Արցախի հայաթափման, խաղաղության եւ հարաբերությունների կարգավորման հետ կապված իրավիճակը չպետք է պատճառ դառնա, որպեսզի շրջանառվի «Ադրբեջանում էթնիկ հայեր» բնորոշում:
Ադրբեջանի առաջին հանրապետության հռչակագրում հստակ սահմանված է, որ այն «Ադրբեջանի տարածքում ապրող բոլոր ժողովուրդների պետությունն է»:
Ավելի հստակ ձեւակերպում է արված Ինքնավար Լեռնային Ղարաբաղի հռչակման մասին Ադրբեջանի Կենտգործկոմի Դեկրետում. «Ինքնավար մարզը կազմավորվում է Ղարաբաղի հայկական մասից»:
Պետք չէ հավասարության նշան դնել երբեւէ Վարդենիսի սարերում ոչխար պահած կամ Մասիսում համեմ աճեցրած ադրբեջանցու եւ պետականության սուբյեկտ հանդիսացող արցախահայության միջեւ: Դա շատ վտանգավոր խոսույթ է:
