Ֆինանսների նախարար Վահե Հովհաննիսյանը 2026 թ. պետբյուջեի նախնական քննարկմանը պարզաբանել է Arca քարտերով կատարած գնումներից ետվճար ստանալու թեման։
«Ինչպես նշել էր վարչապետը, ետվճարը բարձրանում է 20%՝ հիմա 12% է։ Այս որոշումը կառավարությունը դեռ չի ընդունել, բայց այն շրջանառվում է և մինչև տարեվերջ կընդունվի»,- ասել է Ֆինանսների նախարար Վահե Հովհաննիսյանը և ընդգծել, որ ետվճարը տալու են ոչ թե բանկերը, այլ Arca համակարգը։
«Այսինքն՝ կապ չունի, թե որ բանկն է։ Arca համակարգի քարտ ունեցող մեր քաղաքացիները գնումներից ետվճար կստանան։ Այժմ տեխնիկական դետալներն ենք վերջնականացնում»,- նշել է նա՝ ընդգծելով, որ վերջնական փաթեթը պատրաստ կլինի ներկայացման՝ ամբողջ մանրամասներով։
