Ֆրանսիան պատրաստվում է մինչև 2000 զինծառայող տեղակայել Ուկրաինայում, հաղորդել է Ռուսաստանի Արտաքին հետախուզության ծառայությունը (ԱՀԾ)։
«ԱՀԾ-ում ստացված տեղեկությունների համաձայն` Ֆրանսիայի նախագահ Էմանուել Մակրոնը երազում է Ուկրաինայում ռազմական ինտերվենցիայի մասին», – ասվում է հաղորդագրության մեջ։
Նշվում է, որ Ֆրանսիայի զինված ուժերի գլխավոր շտաբը պատրաստվում է թվով մինչև 2000 զինվորից ու սպայից բաղկացած զորակազմ տեղակայել։
«Կազմավորման հիմքը կկազմեն ֆրանսիական օտարերկրյա լեգիոնի գրոհային ինքնաթիռները, առավելապես Լատինական Ամերիկայի երկրներից։ Այժմ լեգիոներները տեղակայված են Ուկրաինայի հետ սահմանակից Լեհաստանի շրջաններում և ինտենսիվորեն մարտական պատրաստություն են անցնում, ստանում զինամթերք և ռազմական տեխնիկա։ Արդեն մոտ ժամանակներս պլանավորվում է նրանց տեղափոխումը Ուկրաինայի կենտրոնական մարզեր», – հայտարարել են ԱՀԾ-ում։
