«Երեկ նիկոլական փուչիկներից մեկը պայթեց Երևանի սրտում։ ԱԺ դիմաց մի խումբ երիտասարդներ՝ տարբեր քաղաքական ու հասարակական կառույցներից բարձրաձայնեցին Հայաստանում քաղաքական բանտարկյալների առկայության մասին, ինչպես նաև եվրոպացիների ուշադրությունը հրավիրեցին Բաքվի բանտերում պահվող մեր հայրենակիցների ճակատագրերի վրա»,-նշում է ՀՀԿ փոխնախագահ Արմեն Աշոտյանը։
Նրա գնահատմամբ, Նիկոլ Փաշինյանի քարոզչությունը երեկ ուժեղ հարված ստացավ, երկար տարիներ նա Եվրոպայում վաճառում է ժողովրդավար Հայաստանի փուչիկը, իսկ հայ ժողովրդի ականջներին փաթաթում եվրոպական պայծառ ապագայի լափշան։
«Երկուսն էլ սուտ են։ Դա էր պատճառը, որ երեկ ֆեյսբուքի հայկական տիրույթում ընկել էր այրվող ու վառված ուսապարկերի գարշահոտությունը, որոնք փորձում էին հակադարձել պարզ իրողություններին։ Ամեն կերպ պետք է շարունակել բացել եվրոպացիների աչքերը։ Ապրեն ազնիվները, ամոթ՝ Նիկոլին խրախուսողներին։ Իրական Եվրոպան մենք ենք։ Ազատությու’ն քաղբանտարկյալների»,-նշում է Աշոտյանը ֆեյսբուքյան իր էջում հրապարակած տեսանյութում։
