Հնդկական Indian Defence News-ը հայտնում է, որ Հայաստանը ավարտին է հասցնում Հնդկաստանի հետ պատմական նշանակություն ունեցող գործարքը` մոտ 2,5-3 միլիարդ դոլար արժողությամբ Sukhoi Su-30MKI բազմաֆունկցիոնալ կործանիչների գնումը։
Գործարքի առաջին փուլով նախատեսվում է մատակարարել 8-12 միավոր Su-30MKI, ինչպես նաև իրականացնել համապատասխան ուսուցում, տրամադրել ցամաքային աջակցություն և զենքի անհատական ինտեգրում։ Ինքնաթիռների մատակարարումները նախատեսվում են 2027-2029 թվականներին։
Թեև լրատվամիջոցում հայտնված այս լուրը դեռ պաշտոնապես չի հաստատվել ՀՀ պաշտպանության նախարարության կողմից, այն ամենաիրական պատասխանն է նրանց, ովքեր ՀՀ իշխանություններին մեղադրում են բանակը թուլացնելու և կազմալուծելու մեջ։ Սա ամենաիրական պատասխանն է քոչարյանադաշնակցական ակումբին և այդ ակումբի բոլոր անդամներին։
Ի դեպ, գնման այս պայմանագրով Հայաստանը ստանում է իրական հակակշիռ և զսպման մեխանիզմ Ադրբեջանի՝ Պակիստանից գնված 40 JF-17C Block-III կործանիչների ծրագրին։
