«Ադրբեջանական պատվիրակություններն այցելում են Հայաստան, հայկական պատվիրակությունները՝ Ադրբեջան»,-ասել է ԱԺ նախագահ Ալեն Սիմոնյանը ճեպազրույցի ընթացքում և հավելել՝ կան հարցեր, որոնք պետք է քննարկվեն, մասնավորապես, գերիների, պահվող անձանց մասին հարցը։
Նրա խոսքով՝ այնուամենայնիվ, շփումները շարունակվելու են, և խորացնելու են. «Երբ ասում եմ մենք, նկատի ունեմ, որ դա իմ ընկալմամբ է՝ վերջին շփումների հետևանքով, որ ադրբեջանական կողմը նույն գծի վրա է»,-ասել է նա։
ԱԺ նախագահը խոսել է նաև երկու երկրների մեջ խաղաղության մասին։ Ըստ Սիմոնյանի՝ Հայաստանն ամեն ինչ արել է, որ տարածաշրջանում խաղաղություն լինի, և տարածաշրջանում թեկուզ փխրուն, բայց այնուամենայնիվ, հաստատվել է խաղաղությունը. «Մենք ամեն ինչ արել ենք ու անելու ենք, որ խաղաղությունը վերջնական պայմանագրի տեսքով լինի, բայց դրանից էլ ավելի՝ հողի վրա խաղաղություն լինի»,-ընգծել է նա։ Սիմոնյանն օրինակ է բերել, որ Վրաստանի հետ խաղաղության պայմանագիր չունենք, բայց խաղաղություն ունենք։
