«Փաշինյանի ղեկավարությամբ իշխանության գործողությունները բացարձակ ապօրինի են։ Քաղաքական հովանավորությամբ, պաշտոնական լիազորությունների ազդեցությունն օգտագործելով տեղի են ունենում պրոցեսներ»,-Էջմիածնի Մայր տաճարի դիմաց ասաց ՀՀ նախկին ՄԻՊ Արման Թաթոյանը։
Նա հայտնեց, որ դրանք կառուցված են մի քանի կեղծիքների շուրջ, որոնցից մեկն այն է, որ Հայոց Եկեղեցին եկեղեցականները չեն, ինչը անօրինական գործողությունների շղարշն է։
«Կա ևս մեկ կեղծիք, որ նա այդ քայլն անում է, որպես եկեղեցու հավատավոր։ Սա նույնպես բացարձակ ապօրինի պնդում է, որովհետև նա ՀՀ վարչապետի պաշտոն է զբաղեցնում, ունի կոնկրետ լիազորություններ, հետևաբար պարտավոր է ղեկավարվել այդ լիազորություններով և իրավունք չունի դրանից որևէ կետ դուրս գալու»,-ասաց Թաթոյանը և հավելեց.
«Այն, ինչ Փաշինյանն անում է ՀՀ Քրեական օրենսգրքի կոնկրետ հանցակազմերով նախատեսված արարքներ են»։
ՀՀ նախկին ՄԻՊ-ը հայտնեց, որ Փաշինյանը Հովհաննավանքը «միջնաբերդ» է դարձրել և պայքարում է հայ ժողովրդի դեմ։
