Գերմանական ռազմածովային ուժերը փորձարկում են լազերային զենք, որը նախատեսված է անօդաչու թռչող սարքերի և հրթիռների ոչնչացման համար, հաղորդում է The National Interest ամսագիրը։
«Գերմանական ռազմածովային ուժերը մոտ են գործող լազերային զենք ստանալուն՝ ռազմանավի վրա մեկ տարի փորձարկումներից հետո։ Rheinmetall-ը և MBDA-ն համագործակցում են գերմանական ռազմածովային ուժերի հետ՝ անօդաչու թռչող սարքերի և առաջադեմ հրթիռների սպառնալիքներին հակազդելու ունակ լազերային զենք մշակելու ուղղությամբ», – հաղորդում է հրատարակությունը։
Նոր զենքը փորձարկվում է «Սախսեն» ֆրեգատի վրա։ Զինվորականները արդեն իսկ անցկացրել են ավելի քան 100 մարտական կրակի փորձարկում։
Փորձարկումների ընթացքում լազերային զենքը խոցել է իր թիրախը՝ «առանց տեղանքի վրա հույսը դնելու լազերային ճառագայթը խոչընդոտելու համար»։ Rheinmetall-ը փորձարկումը նկարագրել է՝ որպես «կապույտ երկնքի մարտ»։
