Արևմուտքի արձագանքը Վլադիմիր Պուտինի՝ միջուկային փորձարկումների վերաբերյալ հայտարարությանը ընթանում է հակառուսական հիստերիայի շրջանակում․ հայտարարել է ՌԴ նախագահի մամուլի քարտուղար Դմիտրի Պեսկովը։
«Ամեն ինչ տեղի է ունենում միլիտարիստական հակառուսական հիստերիայի պայմաններում, որը այժմ առավել բորբոքված է Արևմտյան Եվրոպայի երկրներում»,– նշել է նա։
Պեսկովը նաև նշել է, որ այս փուլում բազմաթիվ պետություններ զարգացնում են հարաբերություններ Կենտրոնական Ասիայի հետ։
«Գոյություն ունեն տարբեր ձևաչափեր՝ Չինաստան — Կենտրոնական Ասիա, Ճապոնիա — Կենտրոնական Ասիա, Եվրամիություն — Կենտրոնական Ասիա: Սա բավական տարածված ձևաչափ է։ Բնական է, որ մեր ընկերներն ու գործընկերները Կենտրոնական Ասիայում իրենց արտաքին քաղաքականության բոլոր ուղղություններով քննարկում են հարաբերությունների զարգացման հարցերը»,– ասել է նա՝ մեկնաբանելով «Կենտրոնական Ասիա — Միացյալ Նահանգներ» գագաթնաժողովի նկատմամբ Կրեմլի վերաբերմունքը։
Նա հիշեցրել է, որ Ռուսաստանը նույնպես ունի համագործակցության սեփական ձևաչափը՝ «Ռուսաստան — Կենտրոնական Ասիա» գագաթնաժողովը, որը կայացել է վերջերս։
Պեսկովը ընդգծել է, որ Մոսկվան շարունակաբար զարգացնում է հարաբերությունները Կենտրոնական Ասիայի երկրների հետ և բարձր է գնահատում այդ կապերը։ Նրա խոսքով՝ Ռուսաստանը մի շարք պետությունների հետ կապված է ոչ միայն երկկողմ հարաբերություններով, այլև ինտեգրացիոն գործընթացներով։
«Մեզ միավորում են նաև առաջադեմ ինտեգրացիոն միավորումները՝ Եվրասիական տնտեսական միությունը, ԱՊՀ-ն և այլ կազմակերպություններ»,– հավելել է նա։
