ՆԱՏՕ-ի գլխավոր քարտուղար Մարկ Ռյուտեն հայտարարել է, որ դաշինքի մի շարք երկրներ, այդ թվում՝ Ռումինիան, չունեն բավարար հակաօդային պաշտպանության միջոցներ։ Նրա խոսքով՝ այս խնդիրը վերաբերում է ոչ միայն առանձին պետություններին, այլ ամբողջ դաշինքի արևելյան թևին։
«Այո, համաձայն եմ, սա վերաբերում է ինչպես Ռումինիային, այնպես էլ մեր դաշնակիցներին», — նշել է Ռյուտեն՝ պատասխանելով լրագրողների հարցին։ Նա ընդգծել է, որ անհրաժեշտ է Եվրոպայում առնվազն չորս անգամ ուժեղացնել հակաօդային համակարգերի ներուժը։
Միաժամանակ, Ռյուտեն վստահեցրել է, որ ՆԱՏՕ-ի անդամները մնում են «լավ պաշտպանված», չնայած զինտեխնիկայի այսօրվա պակասին։ Ավելի վաղ նա կոչ էր արել դաշինքին պատրաստվել Ռուսաստանի հետ երկարաժամկետ դիմակայության՝ մատնանշելով Մոսկվայի ռազմական կապերն Չինաստանի, Հյուսիսային Կորեայի և Իրանի հետ, գրում է Lenta.ru-ն։
