Բելառուսի նախագահ Ալեքսանդր Լուկաշենկոն հայտնել է, որ Մինսկը պատրաստ է Լիտվայի հետ սահմանը բացելու։ Նախագահը շեշտել է, որ սահմանային խնդիրների մեղավորությունը պետք չէ վերագրել Բելառուսին, քանի որ երկրի իշխանությունները նման քայլեր չեն ձեռնարկել։
Լուկաշենկոյի խոսքով՝ վերջին օրերին Լիտվայի պաշտոնյաները հանդես են գալիս հայտարարություններով, որոնցում նշում են, թե սահմանային իրավիճակի բարդացման պատճառը Բելառուսն է։ Սակայն նա վստահեցրել է, որ Բելառուսի տարածքում սահմանապահ ծառայությունը շարունակում է աշխատել սովորական ռեժիմով։
Նա նաև ընդգծել է, որ Մինսկը չի տեսնում պատճառ սահմանների փակման կամ լրացուցիչ սահմանափակումների համար և պատրաստ է պահպանել երկկողմ հաղորդակցությունը Լիտվայի հետ։
