2020 թվականի հունվարի 16-ին Թիվ 1 լրատվական կայքի նախկին գլխավոր խմբագիր Վարդուհի Սիմոնյանը hերթական անգամ իր ֆեյսբուքյան էջում տեղադրել էր հայտարարություն, որտեղ փաստական տվյալները փորձ էր արել խեղդել գեղարվեստական փաթեթավորման մեջ։
Նա ՀՀ քննչական մարմիններին մեղադրում էր երկու քրեական գործերի կարճման մեջ, որոնք հարուցվել էին 2018 դեկտեմբերին՝ Վարդուհի Սիմոնյանի կողմից արված հայտարարության հիման վրա։
Ի դեպ, Վարդուհի Սիմոնյանի կոչ-հայտարարությանը, որն ուղղված էր hայկական մեդիան և ազատ խոսքը Թիվ1-ի հիմնադիր Էդգար Բաբայանից պաշտպանելուն, միացել էին մոտ 150 քաղաքական գործիչներ, մտավորականներ, լրագրողներ և այլք։ «Զանգվածային այս փսիխոզին և Հայաստանում աննախադեպ այս հակաքարոզչությանը միացած այս մարդկանց մեծամասնությունը ստորագրել էր գեղեցիկ կազմված տեքստի տակ` առանց խորանալու մանրամասների մեջ, չունենալով պատկերացում խնդրի մասին։
Մեկ տարի տևած քննչական գործողություններից հետո՝ 2019 թվականին, երկու քրեական գործերը կարճվեցին։ Աշխատակիցների աշխատավարձները մարված են, պետության նկատմամբ պարտավորությունները՝ կատարված։
Facebook սոցիալական կայքը Թիվ 1 լրատվականին վերադարձրեց Վարդուհի Սիմոնյանի կողմից ապօրինի ղեկավարվող ֆեյսբուքյան Էջը ։
Կայքն այսօր նոմինալ ուժերով, բայց գտնվում է օնլայն հարթակում:
Փողերի լվացման, կայքի hետևում քաղաքական պատվերի, հարկերի թաքցման, գողության մասին անհիմն և մտացածին մեղադրանքները մեկը մյուսի ետևից հօդս ցնդեցին։ Վարդուհի Սիմոնյանը, բացի գեղարվեստական զեղումներից, չկարողացավ ներկայացնել թեկուզ մեկ ապացույց։
Մենք, իհարկե, այս ամենից հետո կցանկանայինք լսել նույն այդ խայտառակ ստորագրահավաքին միացած մարդկանց կարծիքը, երբ կան արդեն փաստաթղթավորված հիմնավորումներ, բայց դա արդեն էական չէ։
Ներկայացված տեսանյութում փորձել ենք կարճ ներկայացնել մեր հիմնավորումները, փաստաթղթերը։
Թիվ 1 կայքի տնօրինությունը Վարդուհի Սիմոնյանին հորդորում է մնալ կոռեկտության սահմաններում, գիտակցել իրավիճակի լրջությունն ու անդառնալիությունը և վերջապես խաղաղվել։
Հ․Գ Թիվ 1-ը դատական հայց է ներկայացրել ընդդեմ Վարդուհի Սիմոնյանի և Նարինե Մովսիսյանի, որն արդեն ընթանում է 1 տարի, և որի ընթացքում նրանցից որևէ մեկը չի ներկայացել դատարան։
