«Այսօր երջանկությամբ եմ արձանագրում, որ մենք առաջին անգամ բյուջեն քննարկում ենք խաղաղության պայմաններում»,- Ազգային ժողողովում ներկայացնելով 2026 թվականի բյուջեի նախագիծը՝ ասաց ֆինանսների նախարար Վահե Հովհաննիսյանը։
Նա նշեց, որ իրենց որոշումների առանցքում Հայաստանն է, այստեղ ապրող մարդը։
«Այսուհետ մեր ապագան կախված է միայն մեզնից, մեր ստեղծարարությունից, արտադրողականւթյունից, որոշում կայացնելու կարողությունից, փոխվելու արագությունից։ Հետևաբար, ապագան արդեն այսօր է, հենց այսօրվա ցանած սերմերն են ապահովելու վաղվա պտուղները, այսօրվա կայացրած որոշումներն են ձևավորելու մեր ապագա պետությունն ու հասարակությունը։
Մեր երեխաների ապագան որևէ կերպ նման չի լինելու մեր և մեր ծնողների անցյալին, ոչ միայն այն պատճառով, որ աշխարհն է փոխվել, այլ որովհետև այսօրվա մեր կայացրած որոշումների տրամաբանությունը տրամագծորեն տարբեր է նախկին որշումների տրամաբանությունից։
Այսօր մեր կառուցած դղյակներն ու պալատները դպրոցներն ու մանկապարտեզներն են, և լավ աշխատանքի իրական արդյունքը ոչ թե մեր ընտանիքի բարեկեցության, այլ բյուջեի եկամուտների ավելացումն է»,- ասաց Վ.Հովհաննիսյանը։
