«Անտիֆեյք»-ի գրասենյակում ևս խուզարկություններ են

«Անտիֆեյք»-ի գրասենյակում եմ։ Իրականացվում է խուզարկություն։ Վերցվում է ողջ տեխնիկան. հայտնել է փաստաբան Ռուբեն Մելիքյանը։

Հիշեցնենք, որ այսօր առավոտյան խուզարկություններ են իրականացվել «Իմնեմնիմի» հաղորդաշարի հեղինակներ Նարեկ Սամսոնյանի ու Վազգեն Սաղաթելյանի բնակարաններում։ Սամսոնյանը ձերբակալվել ու տեղափոխվել է քննչական կոմիտե։ Սաղաթելյանի տանը խուզարկությունները դեռ շարունակվում են։

Ավելի վաղ հայտնել էին նախաձեռնված քրեական վարույթի շրջանակներում կատարվում են անհետաձգելի քննչական գործողություններ։

Ձերբակալվելիս ու ՔԿ տեղափոխվելիս Նարեկ Սամսոնյանը հայտնել է, որ «հոդվածը խուլիգանության 2-րդ մասն է»։

ՀՀ քրեական օրենսգրքի 297-րդ հոդվածի 2-րդ մասի 3-րդ կետի համաձայն՝ «խուլիգանությունը, որը կատարվել է] տեղեկատվական կամ հաղորդակցական տեխնոլոգիաներն օգտագործելով»։

Փաստաբան Ռուբեն Մելիքյանը նշել է, որ քրեական վարույթի առիթը հաղորդաշարի՝ նոյեմբերի 10-ի թողարկման ժամանակ նրանց արտահայտություններն են, որ որակվել են «խուլիգանություն»։