Պաշտպանության նախարար Սուրեն Պապիկյանը ԱԺ-ում ընդգծել է, որ թափանցիկ, պարզեցված համակարգով զորակոչը հասարակության մեջ բանակի նկատմամբ վստահության շեմը բարձրացնելու ամենահուսալի միջոցն է:
«Արվում է առավելագույնը՝ զորակոչի օրինականությունը երաշխավորելու համար՝ առաջին հերթին հենվելով իրավախախտումներն ու սողանցքները բացառող մեխանիզմների վրա»,-ասել է Սուրեն Պապիկյանը՝ կարևորելով 25-օրյա վարժական հավաքը:
«Այս տարիների կարևոր ձեռքբերում է տարածքային պաշտպանության զորքերի ձևավորումը ու վարժական հավաքների կանոնավոր ու պարբերական դառնալը»,-շեշտել է նա և ասել՝ համոզմունք ունի, որ յուրաքանչյուր պետության պաշտպանունակության գրավականը և նաև աքիլեսյան գարշապարը պահեստազոր-թիկունքային ապահովում-բանակ գործունակ համակարգի գոյությունն ու բացակայությունն է։
