«Նարեկը և Վազգենը Հայաստանի ընդդիմադիր քաղաքական-տեղեկատվական դաշտի ընդգծված դերակատարներ են»,-ՔԿ դիմաց լրագրողների հետ զրույցում ասաց ՀՀԿ փոխնախագահ Արմեն Աշոտյանը։
Նրա խոսքով, փաստը, որ նրանց ձերբակալությունը տեղի է ունենում Սերժ Սարգսյանի հարցազրույցից հետո, ցույց է տալիս դրա քաղաքական գործոնը։
«Իրավապահ կոչված համակարգը Նիկոլ Փաշինյանի կամակատարն է։ Խաղի կանոն են փորձում երկրում թելադրել, որի նպատակը վախի մթնոլորտ սերմանելն է։ Նիկոլ Փաշինյանն ու նրա քաղաքական ոհմակը քաղաքագիտական առումով սադոմազոխիստներ են։ Մեր երկրից դուրս սիրում են մազոխիզմը, երկրի ներսում՝ սադիզմը։ Եթե հակառակն անեին, ինչ-որ կերպ կհասկանայի»,-ասաց Ա. Աշոտյանը։
Անդրադառնալով Antifake խմբագրությունում իրականացրած խուզարկությանն ու տեխնիկայի առգրավմանը, նա նշեց. «Տեխնիկան խի՞ են տարել, հայհոյանք է մնացե՞լ լույսերի արանքում կամերայի մեջ հայհոյանքների խցանում կա՞, պիտի մաքրեն։ Պարզ է չէ՞, տեխնիկան տարել են, որ կանխեն Antifake-ի գործունեությունը»։
