ՌԴ նախագահի մամուլի քարտուղար Դմիտրի Պեսկովը բանակցությունները դադարեցնելու վերաբերյալ Ուկրաինայի հայտարարությունները գնահատել է որպես Կիևի կողմից երկխոսությունից հրաժարում։
«Այս հայտարարությունները փաստացի արտացոլում են իրավիճակը, երբ ուկրաինական կողմը որևէ կերպ չէր ցանկանում շարունակել շփումները կամ խոսակցությունը։ Դա տխուր է»,- հայտարարել է Պեսկովը։
Բրիտանական The Times թերթը, հղում անելով Ուկրաինայի ԱԳՆ փոխնախարար Սերգեյ Կիսլիցային, որը մասնակցել էր Ստամբուլի բանակցություններին, հայտնել է Ռուսաստանի և Ուկրաինայի միջև բանակցությունների դադարեցման մասին։
Պեսկովը նաև նշել է, որ Կիևի դիրքերը շարունակաբար վատթարանում են. «Կիևյան ռեժիմի դիրքերը օրեցօր վատթարանում են»։ Ըստ Կրեմլի խոսնակի՝ «Ուկրաինան ի վերջո ստիպված կլինի վերադառնալ բանակցություններին, բայց արդեն շատ ավելի անբարենպաստ դիրքից»։
