Ռուսաստանի Պետդումայի պաշտպանության կոմիտեի նախագահ Անդրեյ Կարտապոլովը հայտարարեց, որ Մոսկվան չի նախատեսում պատերազմ սկսել ՆԱՏՕ-ի հետ։ Պաշտոնյայի խոսքով՝ Արևմուտքի կողմից հնչեցվող պատերազմի հնարավոր ժամկետների մասին խոսակցությունները որևէ իրական հիմք չունեն։
Կարտապոլովի արձագանքը հաջորդել է Գերմանիայի պաշտպանության նախարար Բորիս Պիստորիուսի խոսքերին, ով ասել էր, թե ՆԱՏՕ–Ռուսաստան պատերազմը կարող է սկսվել 2028–2029 թվականներին։ Գերմանիայի նախարարի խոսքով՝ մի շարք երկրների փորձագետներ այդ ժամկետներն էլ ավելի մոտ են համարում։
Ռուս պատգամավորի համար այս հայտարարություններն ընդամենը Արևմուտքի ներքին քաղաքականության մաս են։ Նրա խոսքով՝ եվրոպական կառավարությունները նման կանխատեսումներով փորձում են հանրությանը բացատրել, թե ինչու են հսկայական միջոցներ կուտակվում պաշտպանության վրա և արդարացնել սեփական վրիպումները՝ ներկայացնելով Ռուսաստանը որպես մշտական սպառնալիք։
