Ռուսաստանի նախագահի մամուլի քարտուղար Դմիտրի Պեսկովը հրաժարվել է մեկնաբանել ԱՄՆ-ի և Ռուսաստանի միջև Ուկրաինայում հակամարտությունը դադարեցնելու «գաղտնի ծրագրի» մասին լրատվամիջոցների հաղորդագրությունները։
«Անքորիջում (Ալյասկա) քննարկումներ են եղել։ Եվ Անքորիջից դուրս նոր զարգացումներ չկան», – ասել է Կրեմլի խոսնակը։
Նոյեմբերի 19-ին ամերիկյան Axios լրատվական կայքը հայտնել է, որ Վաշինգտոնը Մոսկվայի հետ խորհրդակցություններով մշակում է ուկրաինական հակամարտության կարգավորման նոր ծրագիր։ Լրագրողների խոսքով՝ 28 կետից բաղկացած ծրագիրը հղացվել է ԱՄՆ նախագահ Դոնալդ Թրամփի՝ Գազայի հատվածի վերաբերյալ համաձայնության հասնելու հաջող ջանքերից։ ԱՄՆ նախագահի հատուկ դեսպանորդ Սթիվեն Ուիտկոֆը կարևոր դեր է խաղում ծրագրի մշակման գործում։
Նույն օրը Ուկրաինայի նախագահ Վլադիմիր Զելենսկին ժամանեց Անկարա, որտեղ նա բանակցություններ է կարել Ուիտկոֆի հետ։
