«Մենք նորանշնակ Լոռու մարզպետ ունենք և աչքս վախեցած է, քանի որ արդեն 5 տարի է չեմ կարողանում լուծեմ խնդիրը, հիշեցրել եմ, որ Ստեփանավան Օձուն ճանապարհի վրա նույնպես կա պատմական կամուրջ և հանձնարարական եմ տվել, որ այն լուսավորվի, ավելորդ բուսական տարածքներից ազատվի, որպեսզի ճանապարհից տեսանելի լինի»,-կառավարության նիստում ասաց Նիկոլ Փաշինյանը։
Հայտնելով, որ Երևանում «Կարմիր կամուրջ»-ի բացումից շատ ոգևորվել են՝ Փաշինյանն ասաց. «Հիմա մենք կամուրջ մուդի մեջ ենք, և հիշում ենք, թե էլ որտեղ կամուրջ կա, որը կարելի է վերականգնել, լուսավորել»։
Նա հայտնեց, թե Վայոց Ձորի մարզպետի հետ էլ է խոսակցություն ունեցել, չնայած լավ չի հասկացել, թե այդ կամուրջը մայրուղուց կերևա, թե ոչ։
Մարզպետը հավաստիացրեց, որ կերևա։
Փաշինյանն էլ ասաց, թե այդ հատվածում նաև գեղեցիկ կամուրջ ռեստորան կա Արփա գետի վրա։
Նա նաև հայտնեց, որ երևանում էլ են կամուրջներ գտել, որը մասնավոր տարածք է և կփորձեն գերակա շահով վերադարձնեն համայնքին, այն պատմամշակութային տարածք է և այնտեղ էլ վերականգնողական աշխատանքն տանեն։
Նա նաև նշեց, որ վերանորոգվելու են նաև Ալավերդիում ջրհեղեղից քանդված կամուրջները։
