ԱՄՆ նախագահ Դոնալդ Թրամփի առաջարկած ու Ռուսաստանի և Ուկրաինայի հետ քննարկվող ամերիկյան խաղաղության ծրագիրը «լավ» է երկու կողմի համար՝ հայտարարել է Սպիտակ տան մամուլի խոսնակ Քերոլայն Լևիթը՝ ճեպազրույցի ժամանակ։
Նա ասել է, որ նախագահի հատուկ դեսպանորդ Սթիվ Ուիթքոֆը և պետքարտուղար Մարկո Ռուբիոն վերջին մեկ ամսվա ընթացքում «գաղտնի» աշխատել են նոր խաղաղության ծրագրի ուղղությամբ։ Նրանք համակարգել են այն և՛ Ուկրաինայի, և՛ Ռուսաստանի հետ։ Թրամփի վարչակազմը կարծում է, որ փաստաթուղթը պետք է «ընդունելի լինի երկու կողմի համար»։
Լևիթը հրաժարվել է մեկնաբանել ծրագրի մանրամասները, քանի որ այն դեռևս մշակման փուլում է և կարող է փոփոխվել։
