Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
Ռուսական 100 միլիարդ դոլարը ծրագրում են հատկացնել Ռուսաստանի կողմից ավերված Ուկրաինայի վերականգմանը: Այդ ներդրումներից ենթադրյալ կամ հավանական, կամ արդեն իսկ հաշվարկված եկամտի հիսուն տոկոսը կստանա ԱՄՆ-ը՝ որպես ռուսական ենթակառուցվածքներն ավերելու համար Ուկրաինային հատկացված սպառազինությունների ծախսերի փոխհատուցում, «հաղթանակի, ուկրնացիստներին ծնկի բերելու, Եվրոպան եւս մեկ անգամ դարչնագույն ժանտախտից փրկելու» մասին ռուսական ոչ մի աղբյուր լեզու չի թրջում:
Միայն հայ պուծինիստներն են Ուկրաինայի «կապիտուլյացիայով» հրճվում: Եւ, օ՜ զարմանք, դրանք գրեթե նույն մարդիկ եւ շրջանակներն են, որ նոյեմբերի 9-ի հայտարարությունը Հայաստանի «կապիտուլյացիա» են ճանաչում: Այդ անալոգիայով հինգ տարի առաջ Հայաստանը ոչ թե Ադրբեջանին, այլ Ռուսաստանին է պարտվել:
