Իրանը դիտարկում է Նախիջևանով անցնող երկաթուղով բեռնափոխադրման հնարավորությունը։ Այս մասին «Report»-ին ասել է Իրանի երկաթուղիների ղեկավար Ջաբար Ալի Զաքերին։
Նրա խոսքով, բանակցություններ են վարվել ԱՊՀ երկաթուղային տրանսպորտի խորհրդի 83-րդ նիստի շրջանակներում՝ Հայաստանի «Հարավկովկասյան երկաթուղիներ» ՓԲԸ ներկայացուցիչների հետ։
Բանակցությունները վերաբերել են Իրանից Նախիջևանով Հայաստան որոշակի բեռների մատակարարմանը։ «Սա թույլ կտա ապագայում Նախիջևանում գործարկել երկաթուղին։ Մենք ձգտում ենք այս նախագիծը հնարավորինս շուտ իրականացնել», – ասել է Զաքերին։
