Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
Արցախի պետականության ոչնչացման, հայ բնակչության ֆիզիկական բնաջնջման կամ տոտալ բռնատեղահանության ենթարկելու Ալիեւի մարդատյաց մտադրության մասին ահազանգել եմ քառասունչորսօրյա պատերազմից հետո Շուշի նրա առաջին անգամ մտնելու օրը:
Նույն շրջանում Արցախի մի քանի ոչ երկրորդական պաշտոնյաներ խոսում էին Ռուսաստանի կողմից Ստեփանակերտի օդանավակայանի շուտափույթ գործարկման, Արցախի բնակիչներին ՌԴ անձնագիր շնորհելու եւ Լեռնային Ղարաբաղը «հավիտյանս հավիտենից իր կազմում ընդգրկելու» մասին: Հիմա այդ ինֆանտիլ էյֆորիայի սցենարիստներն ու «երեք մանեթանոց ծաղրածուներն» ի՞նչ են ուզում ասել:
Հ.Գ. Ի տարբերություն ոմանց եւ որոշների, Հայաստանի վարչապետին ասելիքս ձեւակերպել եմ որպես «բաց նամակ» եւ հրապարակել: Ովքեր կարդալու ցանկություն ունեն, թող «գուգլեն», համացանցը բարեբախտաբար տեքստը լրիվ անխաթար պահպանել է:
