Ռուսաստանի նախագահ Վլադիմիր Պուտինը պետք է գիտակցի՝ եվրոպական ազատության և խաղաղության հաշվին պատերազմը հաղթելու շանս չունի: Այս մասին Բունդեսթագում ելույթի ժամանակ հայտարարել է Գերմանիայի կանցլեր Ֆրիդիխ Մերցը:
«Որպեսզի իրական բանակցություններն ընդհանրապես հնարավոր դառնան, Պուտինին պետք է հստակ ցույց տալ իր ռազմական գործողությունների անհուսալիությունը։ Եվ այդ պատճառով ես ասում եմ՝ մենք չենք թուլացնի մեր աջակցությունը Ուկրաինային։ Մենք կաջակցենք ուկրաինացի ժողովրդին այնքան, որքան անհրաժեշտ կլինի։ Եվ մենք ցանկանում ենք սառեցված ռուսական ակտիվները հասանելի դարձնել հենց այդ նպատակով։ Պուտինը պետք է հասկանա, որ ազատության և խաղաղության եվրոպական կարգի հաշվին այս պատերազմում հաղթելու շանս չի ունենա»,- ասել է նա:
