Վարչապետ Նիկոլ Փաշինյանը կառավարության նիստում անդրադարձել է Ուրցաձորից դեպի Մարտունի տանող նոր ավտոճանապարհի կառուցմանը։
ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը, պատասխանելով վարչապետի հարցին՝ արդյոք աշխատանքները սկսվել են, նշել է, որ այստեղ, նախագծման աշխատանքների վերջին 30%-ը և փորձաքննության և աշխատանքների վերջին վճարումը կատարվել է։
«Սա էլ մի ճանապարհ, որը նա կրկին հանրապետության տնտեսական և զբոսաշրջային կյանքի համար շատ էական նշանակություն է ունենալու։ Քանի որ հիմա հիմա Արարատի մարզը Գեղարքունիքի մարզի հետ ուղիղ կապող ճանապարհ չկա»,-ասել է վարչապետը հավելելով՝ Գեղարքունիքի մարզից Արարատի մարզ գալու համար կամ պետք է գալ Վայոց ձորի մարզով, կամ Կոտայքի մարզով։
Նրա խոսքով՝ այս ճանապարհը շատ մեծ կակտիվացնի և՛ Գեղարքունիքի մարզի համար, և՛ Արարատի մարզի համար տնտեսական ակտիվությունը, այդ թվում՝ զբոսաշրջային, քանի որ շատ հետաքրքիր տեղեր կան ճանապարհի երկայնքով։
