Շրի Լանկայում տեղի ունեցած «Դիտվա» արևադարձային ցիկլոնի հետևանքով զոհվել է առնվազն 123 մարդ, հայտնել է Շրի Լանկայի աղետների կառավարման կենտրոնը (SDMC):
«Վերջին մի քանի օրերի ընթացքում երկրում անբարենպաստ եղանակային պայմանների հետևանքով զոհերի թիվը հասել է 123-ի: Եվս 130 մարդ դեռևս անհետ կորած է համարվում», – հայտնել են գերատեսչությունից:
DMC-ի տվյալներով՝ ցիկլոնի հետևանքներից տուժել է ընդհանուր առմամբ 373,400 մարդ: Ավելի քան 43,900-ը տեղափոխվել են ժամանակավոր կենտրոններ: Շրի Լանկայի նախագահ Անուրա Դիսանայակեն հրահանգել է բանակին անհապաղ օգնություն ցուցաբերել տուժածներին, և ավելի քան 20,500 զինվոր արդեն տեղակայվել է փրկարարական աշխատանքներին մասնակցելու համար:
Երկրի օդերևութաբանության դեպարտամենտը (DMC) հայտնել է, որ նոյեմբերի 30-ին սպասվում է, որ տեղումների քանակը զգալիորեն կնվազի, քանի որ «Դիտվա» ցիկլոնը շարունակում է շարժվել Շրի Լանկայից դեպի Հնդկաստան:
