Սուրբ Էջմիածնում՝ «Վաչե և Թամար Մանուկյան» Մատենադարանում մեկնարկել է Մայր Աթոռի Դիվանապետ Արշակ արքեպս. Խաչատրյանի մամլո ասուլիսը։
Լրագրողների հետ հանդիպման մեկնարկին Սրբազանը հնչեցրեց տերունական աղոթքը։
«Ակամա ես հայտնվել եմ ծավալվող որոշ իրադարձությունների առանցքում։ Կուզեի, դրանց շրջանակներում տեղ գտնող զրույցներին, մեկնաբանություններին պարզաբանումներ ներկայացնել, որպեսզի հանրությունը իրազեկված լինի իմ մոտեցումներին, դիրքորոշումներին,-հայտարարեց Արշակ Սրբազանը։
Հիշեցնենք, որ համացանցում Արշակ Սրբազանին վերագրվող տեսանյութեր էին տարածվել, որոնք արված էին լոգարանում։ ՔԿ-ից հայտնեցին, որ Արշակ արքեպիսկոպոս Խաչատրյանի անձնական կյանքի գաղտնիությունը խախտելու դեպքի առթիվ ՀՀ քննչական կոմիտեի ՀԿԳ քննության գլխավոր վարչությունում իրականացվող քրեական վարույթով նշանակվել և ստացվել է դատատեսաձայնագրային և դիմանկարային փորձաքննության եզրակացությունը, համաձայն որի՝ հաստատվել է տեսանյութերում Արշակ արքեպիսկոպոս Խաչատրյանի պատկերված լինելու հանգամանքը։ Սրբազանը հրավիրվել է ՔԿ։
«Արշակ արքեպիսկոպոս Խաչատրյանը, վերահաստատելով իր պնդումը, որ օրվա քաղաքական իշխանության քաղաքական հանձնարարությունները կատարող քննչական մարմիններին անհնարին է վստահել, հրաժարվում է այցելել քննչական կոմիտե՝ ծանոթանալու հենց ամենասկզբից օբյեկտիվությունից զուրկ որոշմանն ու եզրակացությանը»,-հայտարարել է Սրբազանի փաստաբան Արսեն Բաբայանը։
