ԱՄՆ պետքարտուղար Մարկո Ռուբիոն FoxNews-ի հետ զրույցում հայտարարել է, որ Ուկրաինան և Ռուսաստանը ներկայումս բառացիորեն պայքարում են 30-50 կմ² տարածքի համար, որը Դոնեցկի մարզի 20%-ն է։
«Այժմ նրանք պայքարում են մոտավորապես 30-50 կմ² տարածքի և ԴԺՀ-ի մնացած 20%-ի համար (ուկրաինական վերահսկողության տակ)։ Մենք փորձել ենք անել, և կարծում եմ՝ որոշակի առաջընթաց ենք գրանցել, որպեսզի պարզենք, թե ինչի հետ կարող են ապրել ուկրաինացիները, ինչը կապահովի նրանց անվտանգությունը ապագայում», – ասել է պետքարտուղարը Fox News-ին տված հարցազրույցում։
Նա նաև հայտարարել է, որ տեսականորեն, եթե ճիշտ քայլեր ձեռնարկվեն, Ուկրաինայի ՀՆԱ-ն կարող է 10 տարվա ընթացքում գերազանցել Ռուսաստանի ՀՆԱ-ն։ Նա նաև մի շարք հայտարարություններ է արել, որոնք ներկայացնում ենք ստորև.
- Ռուսները ամեն շաբաթ կորցնում են 7000 զինվոր։ Մենք կարծում ենք, որ հիմա պատերազմը դադարեցնելու իդեալական ժամանակն է։
- Մենք փորձում ենք կամուրջ կառուցել երկու կողմերի միջև, և դա անելու համար մենք պետք է խոսենք երկու կողմերի հետ։
- Ոմանք կարծում են, որ մեր քաղաքականությունը պարզապես պետք է լինի անսահմանափակ ֆինանսավորում տրամադրել Ուկրաինային, քանի դեռ պատերազմը շարունակվում է, բայց դա անիրատեսական է։
- Ուկրաինացիները հսկայական հաջողությունների են հասել իրենց քաջության և այն համառության շնորհիվ, որով նրանք պայքարել են։
- Ռուսաստանի կողմից որոշումը պետք է կայացնի միայն Պուտինը, այլ ոչ թե նրա խորհրդականները։ Պուտինը, միայն Պուտինը, կարող է ավարտել այս պատերազմը Ռուսաստանի կողմից։
