«Մեր մոտ բնակչության ¾-ը՝ 75 %-ը, ստանում է միջինից շատ ավելի ցածր աշխատավարձ»,- ԱԺ-ում 2026 թ. բյուջեի նախագիծը քննարկելու ժամանակ ասաց «Հայաստան» խմբակցության պատգամավոր Արթուր Խաչատրյանը՝ նշելով, որ կառավարությունը որպես ձեռքբերում անընդհատ կրկնում է միջին աշխատավարձի մակարդակի բարձրացումը։
Նշելով, որ բնակչության մեծամասնության եկամուտը 100-200 հազար դրամի շրջակայքում է, Խաչատրյանը նշեց, որ նրանք չեն զգում Էկոնոմիկայի նախարարի նկարագրած դրական արդյունքները։
«Բարեկեցության շոշափելի իրականությունը չի զգում նաև անհուսալի վարկառուները։ 330 հազար մարդ ունի անհուսալի սպառողական վարկ»,- ասաց Խաչատրյանը և նշեց, որ վարկերի բացարձակ մեծամասնությունը մինչև 250 ազար դրամի վարկեր՝ հավելելով, որ նարնք բանկերից ու ոստիկանությունից են փախչում բայց չեն կարողանում այդ վարկը տալ։
խաչատրյանը նաև նշեց, որ կառավարությունը չի խոստավանում, որ անհուսալի վարկերի իր ծրագիրը ձախողվել է, 330 հազարից ավել շահառուներից՝ 5-6 հազար հոգին է ընդամենը դիմել։
Անդրադառնալով պետական պարտքի հիմնախնդրին՝ ընդդիմադիր պատգամավորն ասաց. «2026 թվականին իշխանությունները ամեն աշխատած 3 դրամից 1 դրամը դուրս են տալու պարտքը փակելու և դրա տոկոսի սպասարկելու համար»։
