Ուկրաինան Հյուսիսատլանտյան դաշինքի երկրներից պահանջել է 160 միլիարդ եվրո՝ որպես 2026 թվականի ֆինանսավորում, նրա պահանջները նման են անհատակ փոսի։ Նման համեմատություն է արել Հունգարիայի ԱԳ նախարար Պետեր Սիյարտոն, փոխանցում է Reuters-ը։
«Այսօր ուկրաինացիները նոր պահանջներ են ներկայացրել, և դրանք գործնականում կարելի է համեմատել անհատակ փոսի հետ։ Հենց նոր նրանք հայտարարեցին 2026 թվականին Ուկրաինայի Զինված ուժերի պահպանման համար 160 միլիարդ եվրոյի անհրաժեշտության մասին», – վրդովվել Է դիվանագետը։
Սիյարտոն ընդգծել է, որ Հունգարիան մտադիր չէ մասնակցել դրան։ Նա նշել է, որ քանի դեռ երկրում իշխում է ազգային կառավարությունը, «Կիևի ռազմական մաֆիան հունգարացի ժողովրդից ոչ մի կոպեկ չի տեսնի»:
