Ռուսաստանի նախագահ Վլադիմիր Պուտինը շնորհակալություն է հայտնել Հնդկաստանի վարչապետ Նարենդրա Մոդիին ուկրաինական հակամարտության կարգավորման նկատմամբ ցուցաբերած ուշադրության համար: Այս մասին հայտնել է Կրեմլի մամուլի ծառայությունը։
Պուտինը նշել է, որ նախորդ օրը երկու կողմերը բովանդակալից զրույց են ունեցել, որի ընթացքում մանրամասն խոսել է Ուկրաինայում ստեղծված իրավիճակի և Ռուսաստանի կողմից մի շարք միջազգային գործընկերների, այդ թվում՝ Միացյալ Նահանգների հետ համատեղ ձեռնարկվող քայլերի մասին: Նախագահի խոսքով՝ Հնդկաստանը հնարավորություն է ունեցել մանրամասն տեղեկություններ ստանալ դիվանագիտական զարգացումների և ապագա քաղաքական լուծման հնարավոր պարամետրերի մասին:
«Շնորհակալություն ուշադրության և այս իրավիճակի կարգավորմանն ուղղված ձեր ջանքերի համար», – ասել է Պուտինը՝ զրույցը որակելով «շատ բարի, բարեկամական և միևնույն ժամանակ բովանդակալից»:
