«Նիկոլ Փաշինյանը փողոց, ժողովուրդ մոբիլիզացնելու ռեսուրս չունի։ Բայց դա չի նշանակում, որ ձայն չունի։ Ձայն ունի, մարդիկ կգնան, կքվեարկեն։ Բայց իր կոչով, մարդիկ դուրս գան, գնան Վեհարանը գրոհել, բան չի կարող։ Չունի այդ ռեսուրսը, եթե ունենար, ԿԳԲ մեթոդներով չէր սկսի աշխատել»,-ի պատասխան եկեղեցու դեմ Նիկոլ Փաշինյանի իրականացնող արշավին ու հետագա քայլերի մասին հարցին՝ աջակիցների հետ հանդիպմանն ասել է ՀՀ երկրորդ նախագահ Ռոբերտ Քոչարյանը։
Նրա խոսքով, Փաշինյանն այդ քայլին գնալու համարձակություն չունեցավ, ինչի հետևանքով սկսկեց աշխատել այնպես, ինչպես ժամանակին աշխատում էր ԿԳԲ-ն՝ կոմպրոմատներով, պատին դեմ տալով։ Եկեցեվու դեմ վերջին զարգացումներոըմ ՀՀ երկրորդ նախագահը փորձում է լավ բան տեսնել։
«Ի՞նչ էր ասում Նիկոլ Փաշինյանը. որ ինքը անկեղծ հավատացյալ է, պայքարում է հայ առաքելական եկեղեցու մաքրության համար։ Սա էր իր բացատրությունը։ Հիմա եթե դու դա անում ես այն մարդկանց միջոցով, որոնք նաև եկեղեցական շրջանակներում ամենից վարկաբեկվածն են, դա՞ է քո պայքարի ձևը եկեղեցու մաքրության համար։ Այդ տեսանկյունքից ինքը քանդեց այն բացատրությունը, որով ներկայացնում էր իր շարժառիթները։ Նա ցույց տվեց, որ սա պայքար է Հայ Առաքելական եկեղեցու դեմ։ Մեր եյեղեցին ազգային եկեղեցի է, մեր ազգային ինքության մեջ եկեղեցին հատուկ տեղ ունի։ Սա ուղղված է մեր ինքնության դեմ»,-ասաց Քոչարյանը՝ չբացառելով, որ դա արվում է 300 հազար ադրբեջանցիներին հետ բերելու խոստման շրջանակում։
