Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
Ո՞վ է Հայ առաքելական եկեղեցուն ԼՂ կարգավորման գործընթացի «քաղաքական դերակատար նշանակել», ե՞րբ: Եկեղեցին կարող էր աջակցել՝ իր հնարավորությունների եւ իրավասության շրջանակներում, բայց ֆետիշացնել, որ ՀԱԵ-ն «համաշխարհային կառույց է»,- դա հենց նրան հասցված ամենածանր հարվածն է:
Ո՞վ է Մայր աթոռին եւ Գարեգին Բ.-ին «հավաքագրել» եւ ուղղորդել Նիկոլ Փաշինյանի պաշտոնանկության «համազգային պահանջին» մասնակցության: Նա է նվաստացրել Գարեգին Բ.-ին, Հայ առաքելական եկեղեցին, եղծել քրիստոնեական սրբությունները:
Կրոնը քաղաքականության բաղադրիչ է, բայց աշխարհի ոչ մի երկրում Եկեղեցին քաղաքականություն չի որոշում, քաղաքական շարժում չի առաջնորդում: Ո՞վ է այդ ծանր պարտավորությունը դրել Մայր աթոռի, Գարեգին Բ.-ի, եպիսկոպոսաց դասի վրա: Նա Հայաստանյայց Առաքելական Սուրբ Եկեղեցու եւ Հայաստանի թիվ մեկ թշնամին է:
