Ադրբեջանի նախագահ Իլհամ Ալիևն ընդունել է Իրանի արտաքին գործերի նախարար Սեյեդ Աբբաս Արաղչիի գլխավորած պատվիրակությանը։ Այս մասին հայտնում են ադրբեջանական լրատվամիջոցները։
Իլհամ Ալիևը նշել է, որ Ադրբեջանի և Իրանի միջև հարաբերությունները երկար պատմություն ունեն և գոհունակություն է հայտնել վերջերս շփումների ակտիվացման կապակցությամբ՝ նշելով, որ Իրանի նախագահ Մասուդ Փեզեշքիանի այցն Ադրբեջան, ինչպես նաև այլ բարձրաստիճան պաշտոնյաների փոխադարձ այցելությունները նպաստում են համագործակցության հետագա ընդլայնմանը։
Ալիևը հայտարարել է, որ կա համատեղ օրակարգը, որը ընդգրկում է բազմաթիվ ուղղություններ, և բոլոր հարցերի համար կազմված են հստակ ճանապարհային քարտեզներ։
Արաղչին Ադրբեջանի նախագահին փոխանցել է Մասուդ Փեզեշքիանի ողջույնները։ Արաղչին նշել է, որ պաշտոնը ստանձնելուց հետո Փեզեշքիանը հանձնարարել է հատուկ ուշադրություն դարձնել Ադրբեջանի հետ հարաբերությունների շարունակական զարգացմանը։
