Axios-ը գրում է, որ ԱՄՆ նախագահի վարչակազմը (Ջարեդ Քուշները) աշխատում է՝ կազմակերպելու Եգիպտոսի նախագահ Աբդել Ֆաթթահ ալ-Սիսիի և Իսրայելի վարչապետ Բենյամին Նեթանյահուի մասնակցությամբ գագաթնաժողով։
ԱՄՆ-ն ձգտում է խորացնել երկու երկրների միջև տնտեսական փոխկապակցվածությունը՝ հույս ունենալով, որ դա կնպաստի տարածաշրջանային ջերմ հարաբերություններին և հետագայում կկանխի կողմերի միջև հակամարտությունները։
Հաղորդվում է, որ Նեթանյահուն պետք է նախապես հաստատի Եգիպտոսի հետ կապված 35 միլիարդ դոլար արժողությամբ գազի գործարքը, ինչը կապահովի Եգիպտոսի էլեկտրաէներգիայի մինչև 25%-ը:
Չնայած ԱՄՆ-ի ջանքերին, նախագահ ալ-Սիսին մինչ այժմ «սառն» է վերաբերել գագաթնաժողովի գաղափարին՝ խուսափելով Իսրայելի ղեկավարության հետ հրապարակային շփումից Գազայի պատերազմից հետո։
Ջարեդ Քուշները Նեթանյահուին հորդորել է ցույց տալ տարածաշրջանին, որ Իսրայելը պատերազմից հետո առաջարկում է ավելին, քան պարզապես ռազմական գործողություններն են։
