Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Մոսկվայի համար կարևոր է հասկանալ ԱՄՆ-Ուկրաինա համագործակցության արդյունքները Կրեմլում ռուս-ամերիկյան խորհրդակցություններից հետո։
«Դուք գիտեք, որ Մոսկվայում զգալի աշխատանք է կատարվել Պուտինի, Ուիթքոֆֆի և Քուշների հանդիպման ժամանակ։ Այնուհետև Ուիթքոֆֆը և Քուշները աշխատել են Մոսկվայում ձեռք բերված արդյունքների վրա՝ համագործակցելով Ումերովի գլխավորած ուկրաինական բանակցային պատվիրակության հետ։ Հիմա մեզ համար կարևոր է հասկանալ այս աշխատանքի արդյունքները», – լրագրողներին ասել է Պեսկովը։
Ըստ նրա՝ ուկրաինական կարգավորման աշխատանքները չեն կարող իրականացվել բացառապես հրապարակային։
«Ակնհայտ է, որ կողմերն այժմ ավելի ու ավելի են հասկանում, որ աշխատանքը պետք է կատարվի լռության մեջ։ Նման աշխատանքը չի կարող իրականացվել բացառապես հրապարակային, այն ապակառուցողական է, և ամենակարևորը՝ այն արդյունքի չի հասնում», – լրագրողներին ասել է Պեսկովը
