Վրաստանի վարչապետ Իրակլի Կոբախիձեն հանդիպել է Հայաստանի Հանրապետության աշխատանքի և սոցիալական պաշտպանության նախարար Արսեն Թորոսյանին։
Վրաստանի կառավարության վարչակազմի մամուլի ծառայության հաղորդմամբ՝ կողմերը քննարկել են Վրաստանի և Հայաստանի միջև առկա ռազմավարական գործընկերությունը, ինչպես նաև համագործակցության հարցեր և ապագա գործընկերության հեռանկարներ աշխատանքի և սոցիալական հարցերի ոլորտում։
Ընդգծվել է երկու երկրների համապատասխան գերատեսչությունների միջև հաջող համագործակցությունը։
Կառավարության վարչակազմում կայացած հանդիպմանը մասնակցել են նաև Վրաստանի օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարար Միխեիլ Սարջվելաձեն և կառավարության վարչակազմի ղեկավար Լևան Ժորժոլիանը։
