ԱՄՆ-ի նախագահ Դոնալդ Թրամփը հասկանում է, թե ինչ լծակներ կարող է օգտագործել Ուկրաինային համոզելու կնքել խաղաղության համաձայնագիրը, հայտարարել է ՆԱՏՕ-ում ԱՄՆ մշտական ներկայացուցիչ Մեթյու Ուիթաքերը։
Միաժամանակ, Ուիթաքերը համաձայնել է ԱՄՆ նախագահի որդու՝ Դոնալդ Թրամփ կրտսերի դիրքորոշման հետ՝ նշելով, որ եթե խաղաղության համաձայնագրի հասնելու հարցում առաջընթաց չլինի, ԱՄՆ-ն կարող է հրաժարվել հակամարտությունը լուծելու իր ջանքերից։
«Նրանք կարող են հասնել այն կետին, երբ նախագահ Թրամփը կեզրակացնի, որ գործարք չի կարող լինել, և այդ դեպքում նա կհեռանա գործընթացից», – նշել է նա։
Դեկտեմբերի 7-ին Դոնալդ Թրամփ կրտսերը Դոհայի ֆորումում հայտարարել է, որ իր հայրը կարող է դադարեցնել Կիևի հետ իր հարաբերությունները: Նա նշել է, որ կոռուպցիան Ուկրաինայում վաղուց ի վեր խնդիր է, ինչը դժգոհություն է առաջացնում նրա միջազգային գործընկերների շրջանում:
