Ուկրաինայի նախագահ Վլադիմիր Զելենսկին հայտարարել է, որ Ռուսաստանի կողմից առևանգված ուկրաինացի երեխաների վերադարձը, ինչպես նաև բոլոր ռազմագերիների փոխանակումը ներառված են 20 կետից բաղկացած խաղաղության ծրագրում։ Այս մասին նա ասել է՝ պատասխանելով ԱՄՆ Սենատում լսումների վերաբերյալ հարցին, որտեղ սենատորները նշել են, որ Ռուսաստանի հետ ցանկացած համաձայնագիր՝ առանց ուկրաինացի երեխաների վերադարձի երաշխիքների, անընդունելի է։
Ավելի վաղ Զելենսկին հայտարարել էր, որ ԱՄՆ-ի խաղաղության ծրագիրը, որը բաղկացած էր 28 կետից, վերանայվել և կրճատվել է մինչև 20 կետ՝ ուկրաինական կողմի հետ խորհրդակցություններից հետո։
