Վենեսուելայի ռազմաօդային ուժերին մատակարարվող ռուսական Սու-30ՄԿ2 կործանիչները անարդյունավետ կլինեն ամերիկյան ինքնաթիռների հետ անմիջական բախման դեպքում, գրում է National Interest ամսագրի մեկնաբան Հարիսոն Կասը։
Նա ընդգծում է, որ Սու-30ՄԿ2 ինքնաթիռները Վենեսուելայի ռազմաօդային ուժերի թագի զարդն են և ամբողջ Լատինական Ամերիկայի ամենահզոր կործանիչներից են։ Կործանիչը կարող է կատարել բազմազան առաջադրանքներ, այդ թվում՝ տարածաշրջանային մրցակիցներին զսպել և երկրի օդային տարածքը վերահսկել։
Այնուամենայնիվ, ըստ Կասի, Վենեսուելայի դժվարին տնտեսական իրավիճակը հանգեցրել է ինքնաթիռների սպասարկման համար միջոցների պակասի։ Մասնավորապես, պահեստամասերի պակասի պատճառով՝ օդաչուները ավելի քիչ թռիչքներ են իրականացնում, ինչը ազդում է անձնակազմի պատրաստվածության վրա։ Հետևաբար, Սու-30ՄԿ2-ները ամերիկյան ինքնաթիռների դեմ մարտերում «թղթե վագրեր» կդառնան։
