Եվրոպացի դաշնակիցների հետ մի քանի օրվա խորհրդակցություններից հետո Ուկրաինան ԱՄՆ-ին է ներկայացրել իր պատասխանը խաղաղության ծրագրի վերջին տարբերակի վերաբերյալ, հաղորդում են Axios-ը և Bloomberg-ը՝ հղում անելով ուկրաինացի և ամերիկացի պաշտոնյաներին։
Անվտանգության խորհրդի քարտուղար Ռուստեմ Ումերովը փաստաթուղթը հանձնել է ԱՄՆ ներկայացուցիչներ Սթիվ Ուիթքոֆֆին և Ջարեդ Քուշներին։
Ուկրաինացի պաշտոնյաներից մեկը նշել է, որ պատասխանը ներառում է մեկնաբանություններ և առաջարկներ, «որպեսզի այդ ամենը լինի իրագործելի»։ Նա նաև հավելել է, որ փաստաթուղթը պարունակում է նոր գաղափարներ վիճելի հարցերի լուծման համար, ինչպիսիք են տարածքային հարցերը և Զապորոժեի ատոմակայանը։
