Կամբոջայի իշխանությունները հայտարարում են, որ Թաիլանդի զինված ուժերը երկրի սահմանային գոտում կիրառել են քիմիական զենք։ Համապատասխան մեղադրանքը ներկայացրել է Կամբոջայի պաշտպանության նախարարությունը։
Պաշտոնական հաղորդագրության համաձայն՝ միջադեպը տեղի է ունեցել Կամբոջա–Թաիլանդ սահմանին գտնվող հատվածում, որտեղ վերջին շրջանում նկատվում է լարվածության աճ։ Կամբոջայի պաշտպանության նախարարությունը պնդում է, որ թաիլանդական զինվորականները կիրառել են քիմիական նյութ, որի հետևանքով վտանգ է առաջացել ինչպես զինծառայողների, այնպես էլ քաղաքացիական բնակչության համար։
Միևնույն ժամանակ նախարարությունը չի հստակեցրել, թե կոնկրետ ինչ քիմիական նյութի մասին է խոսքը։ Պաշտոնյաները նշել են, որ միջադեպը գտնվում է հետաքննության փուլում, և անհրաժեշտության դեպքում հարցը կբարձրացվի միջազգային հարթակներում։
