«Պայմանագրով տրամադրվող վարկի գումարի չափը 50 մլն եվրո է և նպատակաուղղված է Սյունիքի մարզում տնտեսական դիմակայունության բարձրացմանը, բնակչության կենսամակարդակի բարելավոմանը՝ ապահովելով թիրախային աջակցություն բազմաոլորտ ներդրումների միջոցով»,- Ֆինանսավարկային և բյուջետային հարցերի մշտական հանձնաժողովում ներկայացնելով «Հայաստանի Հանրապետության և Եվրոպական ներդրումային բանկի միջև «Հայաստան-Դիմակայուն Սյունիք ծրագիր» ԿԶԵՀ + Հատուկ ներդրումային պատուհան 1» ֆինանսական պայմանագիրը վավերացնելու մասին օրինագիծն՝ ասաց տարածքային կառավարման և ենթակառուցվածքների նախարարի տեղակալ Քրիստինե Ղալեչյանը։
Նրա խոսքով՝ այն ուղղվելու է մարզում ջրամատատակարաման, կրթական և առողջապահական ոլորտներին։
Զեկուցելով Հայաստանի Հանրապետության և Ասիական զարգացման բանկի միջև «Կենսունակության բարելավման և հզորացման համար բնակարանային բարեփոխումներ» (THRIVE) ծրագրի վարկային համաձայնագիրը վավերացնելու մասին օրինագիծը՝ աշխատանքի և սոցիալական հարցերի նախարարի տեղակալ Դավիթ Խաչատրյանն էլ ասաց.
«Վարկը նպատակ ունի զարգացնել կայուն, դիմացկուն և ներառական բնակարանային համակարգ Հայաստանում Ղարաբաղից բռնի տեղահանվածների համար»։
Նա հիշեցրեց, որ 2024 թվականի կեսերին կառավարությունը հաստատեց բնակարանային աջակցության ծրագիրը։
Փոխնախարարը հայտնեց, որ 1600-ից ավել ընտանիք արդեն ձեռք են բերել իրենց բնակարանը կամ տունը, և ևս 2200-ն էլ ստացել են հավաստագրեր և փնտում են բնակելի տներ։
Դավիթ խաչատրյանը նշեց, որ ծրագիրն իրականացվում է հիփոթեքի գործիքով , առևտրային բանկերի միջոցով՝ 10 տարի ժամկետով և այդ ամբողջ մայր գումարն ու տոկոսագումարը պետության միջոցով է տրամադրվում։
«Վարկի գումարը կազմում է 250 մլն դոլար, տրվում է 27 տարի ժամկետով, որից 10 տարին արտոնյալ ժամանակահատվածն է, վարկի տոկոսադրույքը՝ 4.84%, իսկ վարկի փակումը կսկսվի 2035 թվականից»,-ասաց փոխնախարարը և հավելեց, որ 16 մլն դոլար էլ կհատկացվի դրամաշնորհի տեսքով։
«Հայաստան» խմբկացության պատգամավոր Արթուր Խաչատրյանը հայտարարեց. «Ակնհայտ է, որ այս ծրագիրը չի հասել իր թիրախին, եկել է 100 հազար արցախցի, ընտանիքի միջինը 4 հոգին, որ վերցնենք, ստացվում է 25 հազար ընտանիք, մենք խոսում ենք ծրագրից օգտված 2000-ից քչի մասին»։
Ընդդիմադիր պատգամավորը հայտնեց, որ առանց ծրագրի փոփոխության վարկ վերցնել անիմաստ է և ընդամենը գումար պարտք վերցնելու և այլ նպատակով օգտագործելու համար է։
Դավիթ Խաչատրյանը հայտնեց, որ որոշակի փոփոխություն արել են և փոխվել է դեմելիության տոկոսը։
