Միքայել Սրբազանին «Կենտրոն» քրեակատարողական հիմնարկից տեղափոխել են «Իզմիրլյան» ԲԿ։ Այս մասին 24News-ի հարցման ի պատասխան հայտնեցին արդարադատության նախարարությունից։
Հիշեցնենք, որ Շիրակի թեմի առաջնորդ Գերաշնորհ Տեր Միքայել արքեպիսկոպոս Աջապահյանը դեռ երեկ պետք է տեղափոխվեր բժշկական կենտրոն՝ բուժզննում անցնելու, ապա՝ վիրահատվելու, սակայն քանի որ Վերաքննիչ քրեական դատարանում նիստի չէին ներկայացել հանրային մեղադրողները, հետաձգվել էր հարցի քննարկումը։
Ավելի վաղ Միքայել Սրբազանի փաստաբանական թիմը հայտնել էր, որ նրա առողջական վիճակը վերջին շրջանում վատթարացել է և որ վիրահատական միջամտության կարիք կա։
