Եթե ԵՄ-ի հետընթացը շարունակվի այս ոգով, Վրաստանի համար ԵՄ-ին անդամակցելու հարցում իրավիճակ կփոխվի, Վրաստանի առաջին ալիքի եթերում հայտարարել է երկրի վարչապետ Իրակլի Կոբախիձեն։
«Եվրամիությունն օրեցօր թուլանում է։ Տարեցտարի այն վատթարանում է տնտեսապես, ժողովրդավարական, մարդու իրավունքների և խոսքի ազատության առումով։ Իրավիճակը շատ դժվար է բոլոր ոլորտներում։ Այս պայմաններում մենք սուբյեկտիվորեն հետաքրքրված ենք տեսնելու, թե ինչպես են Եվրամիությունում բացասական միտումները փոխարինվում դրականներով»,- ասել է նա։
