Գործադիրն առաջարկում է պետական ռեգիստրում առկա տեղեկատվությունը անվճար տրամադրել ԶԼՄ-ներին
ՀՀ Ազգային ժողովը առաջին ընթերցմամբ ընդունելու համար քննարկում է լրատվական գործունեություն իրականացնողներին պետական միասնական գրանցամատյանից անվճար տեղեկատվություն տրամադրելու օրենքի նախագիծը: «Արմենպրես»-ի փոխանցմամբ` հունվարի 20-ին ընթացող ԱԺ նիստում «Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի պետական հաշվառման մասին» օրենքում լրացումներ կատարելու մասին, «Պետական տուրքի մասին» օրենքում փոփոխություն և լրացում կատարելու մասին և «Զանգվածային լրատվության մասին» օրենքում լրացում կատարելու մասին օրենքների նախագծերի փաթեթը ներկայացրեց ՀՀ արդարադատության նախարարի տեղակալ Սրբուհի Գալյանը։
«Օրենքի նախագծով առաջարկվում է իրավաբանական անձանց և անհատ ձեռնարկատերերի համար, մասնավորապես այն իրավաբանական անձանց և անհատ ձեռնարկատերերի, որոնք իրականացնում են լրատվական գործունեություն, հասանելի դարձնել պետական միասնական գրանցամատյանում առկա տեղեկությունները: Այդ տեղեկություններն այսօր էլ հասանելի են, բայց միայն որոշակի պետական տուրք վճարելուց հետո»,- ասաց Գալյանը:
Լրատվական գործունեություն իրականացնողը, որը ցանկանում է ստանալ հասանելիություն պետական միասնական գրանցամատյանում առկա տեղեկություններին՝ առանց պետական տուրքի վճարման, պետք է գործակալություն ներկայացնի համապատասխան հայտ, որի ձևը սահմանվում է ՀՀ արդարադատության նախարարի հրամանով:
ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը դրական եզրակացություն է տվել օրենքի նախագծին:
Recent Posts
Շիրակի մարզպետը չի հերքում՝ իր պաշտոնանկության մասին քննարկումներ եղել են
Շիրակի մարզպետ Դավիթ Առուշանյանն անդրադարձել է իր պաշտոնանկության մասին մամուլում շրջանառվող լուրերին։ «Արմենպրես»-ի փոխանցմամբ՝ Դավիթ…
Հիմնական հարցերը մնում են չլուծված. Ռյաբկով
Ռուսաստանը և Միացյալ Նահանգները նոր հանդիպում են անցկացրել՝ նվիրված երկու երկրների հարաբերություններում «փոխադարձ գրգռիչներին»։ Այս…
Ոչ մի թիզ չենք զիջի Սիրիային, չենք հեռանա Գազայից․ Իսրայել Կաց
Իսրայելը մտադիր չէ հրաժարվել Սիրիայի տարածքներից։ Մենք երբեք չենք հեռանա Գազայից։ Այդ մասին հայտարարել է…
Ռուսական հացահատիկով բեռնված գնացքը Ադրբեջանի տարածքով ուղևորվում է Հայաստան
1990-ական թվականներից ի վեր առաջին անգամ Ռուսաստանից հացահատիկով բեռնված գնացքը Ադրբեջանի տարածքով ուղևորվում է Հայաստան՝…
Ղազախստանից և ՌԴ-ից ներկրված ցորենը անցել է լաբորատոր բոլոր փորձաքննությունները. ՍԱՏՄ
Սննդամթերքի անվտանգության տեսչական մարմինը հաղորդագրություն է տարածել. «Քանի որ որոշ շրջանակների կողմից սոցիալական հարթակներում շարունակվում…
ՀՀ սեփականության իրավունքն է վերականգնվել Լանջազատում գտնվող հողամասի նկատմամբ
ՀՀ վարչապետ Նիկոլ Փաշինյանը սոցցանցի իր էջում գրել է. «#հատիկառհատիկ Հայաստանի Հանրապետության սեփականության իրավունքն է…