Հայաստանի հիմնական առևտրային գործընկերների, այդ թվում՝ Ռուսաստանի տնտեսական աճի դանդաղումը կարող է անորոշության հիմնական գործոն դառնալ։ Այսօր Ալմաթիում այս մասին ասաց Եվրասիական զարգացման բանկի վերլուծական աշխատանքի գծով տնօրինության ղեկավար Ալեքսեյ Կուզնեցովը` նշելով 2026 թվականին Հայաստանի տնտեսության հիմնական ռիսկերը, փոխանցում է «Sputnik Արմենիա»-ն։
«Դա կարող է ազդել հայկական արտահանման ծավալների և երկիր դրամական փոխանցումների ներհոսքի վրա։ Մենք այս գործոնը դիտարկում ենք որպես մեր մակրոտնտեսական կանխատեսման հիմնական ռիսկերից մեկը», – հայտարարեց Կուզնեցովըներկայացնելով ԵԱԶԲ-ի մակրոտնտեսական կանխատեսումը 2026–2028 թվականների համար։
Միևնույն ժամանակ նա նշեց, որ կանխատեսման հիմնական սցենարը ենթադրում է չափավոր համաշխարհային տնտեսական աճի պահպանում, ինչը բարենպաստ կլինի Հայաստանի տնտեսության համար։ Ինչ վերաբերում է պետական պարտքին, բանկը դրա դինամիկայի հետ կապված էական ռիսկեր չի տեսնում։
